मुंबई : कुख्यात गुंड दाऊद इब्राहिमच्या मालमत्तांशी संबंधित आर्थिक गैरव्यवहाराच्या आरोपांप्रकरणी अटकेत असलेले राष्ट्रवादी काँग्रेसचे नेते नवाब मलिक यांनी अंतरिम वैद्यकीय जामिनासाठी विशेष न्यायालयात अर्ज केला आहे. विशेष न्यायालयाने अंमलबजावणी संचालनालय (ईडी) आणि आर्थर रोड कारागृह प्रशासनाला मलिक यांच्या अर्जावर उत्तर दाखल करण्याचे आदेश दिले आहेत. तसेच या प्रकरणाची सुनावणी २ मेला घेण्याचे स्पष्ट केले.
मूत्रिपडाच्या आजाराने आपण त्रस्त असल्याचे आणि पायांना सूज येत असल्याचे मलिक यांनी यापूर्वीही न्यायालयाला सांगितले होते.मलिक यांनी गुरुवारी विशेष न्यायालयात अर्ज करून अंतरिम वैद्यकीय जामीन मंजूर करण्याची मागणी केली. त्याच वेळी खासगी रुग्णालयात शस्त्रक्रियेसाठी परवानगी देण्याचीही मागणी केली.
from Mumbai Marathi News, Mumbai Latest Marathi News, Mumbai News Headlines & Updates | मुंबई मराठी ताज्या बातम्या at Loksatta.com | Loksatta https://ift.tt/q4vKojH
via IFTTT
